Melby: Noreg har eit særleg ansvar
Venstre-leiar Guri Melby meiner Noreg har eit særleg ansvar når Ukrainas president Volodymyr Zelenskyj skal møte blant andre USAs spesialutsending Steve Witkoff i Oslo tysdag. – Vi er ikkje berre tilretteleggar denne gongen. Vi er part. Vi har gjeve Ukraina titals milliardar kroner fordi vi meiner dei har rett, og då kan vi ikkje stå i døra og halde ho open utan å seie noko om kva som skal skje innanfor, seier ho til NRK. Ho meiner Noreg må vere tydelege i møta som no skal vere på norsk jord. – Vertskapet gir oss ei stemme i rommet. Ho må statsministeren bruke.