Government leaders
Volodymyr Zelenskyj kjem til Noreg tysdag
Ukrainas president Volodymyr Zelenskyj kjem til Noreg tysdag, melder regjeringa i ei pressemelding. Han skal blant anna møte statsminister Jonas Gahr Støre og Finlands president Alexander Stubb. – President Zelenskyj har bede Noreg og Finland om å arrangere eit møte som ledd i det diplomatiske arbeidet som går føre seg, i ei kritisk tid for Ukraina, seier Støre i pressemeldinga. Zelenskyj skal også i audiens hos kong Haakon og møte stortingspresidenten og dei parlamentariske leiarane på Stortinget.